Para obter unha ecuación equivalente a unha dada utilízanse as seguintes regras.
Regra da suma. Se aos dous membros dunha ecuación sumámoslles ou restamos un mesmo número, ou unha expresión semellante ás que aparecen na ecuación, obtense unha ecuación equivalente á dada.
Regra do produto. Se multiplicamos ou dividimos os dous membros dunha ecuación por un mesmo número distinto de cero, obtense unha ecuación equivalente á dada.