Para saber máis  
A primeira función
O primeiro en construír unha función foi Galileo (1564-1642). Desde o alto da torre inclinada de Pisa tirou dúas bólas, unha de ferro e outra de madeira e comprobou que a pesares da diferenza de peso, as dúas chegaban ao chan á vez, descubrira a lei de caída dos corpos. Continuando o seu estudo e empregando un curioso aparello, comprobou que o espazo percorrido depende do cadrado do tempo, escribindo a primeira función da historia. Pulsando aquí podes ler máis sobre o tema.

A primeira definición formal de función débese a Euler, quen no libro Introductio in analysis infinitorum, publicado en 1748, di:
Unha función dunha cantidade variable é unha expresión analítica composta de calquera maneira a partir da cantidade variable e de números ou cantidades constantes.
En 1755 en
Institutiones calculi differentialis, volve sobre o tema acercándose máis á que hoxe utilizamos.

Unha función curiosa
A chamada función de Dirichlet, é a que a cada número real lle asigna o 1 se é racional e o 0 se é irracional. É descontinua en todos os seus puntos.

     

pulsaAgora podes volver sobre o problema plantexado ao principio do tema
Debuxar gráficas
Premendo sobre o botón abrirás unha escena onde debuxar a gráfica das funcións que queiras, con só escribir a súa expresión analítica. Segue as instruccións.