Solución
dunha ecuación
Unha
igualdade está formada por dúas expresións separadas polo signo
=. Se nalgunha delas interveñen letras, tense unha igualdade
alxébrica.
Unha
ecuación é unha igualdade alxébrica que só é certa
para un determinado valor da letra. Así, x+5=11 é
unha ecuación xa que só se cumpre se x é 6.
Nunha
ecuación podemos identificar dous membros separados
polo signo =
primeiro
membro →
x+5
= 11 ← segundo
membro
e
tamén os termos que son os sumandos que forman
os membros. Así, 5 é un termo.
A
incógnita da ecuación é a letra que aparece na
ecuación. A incógnita da ecuación x+5 = 11 é x.
Un
número é solución da ecuación, se ao substituír a
incógnita por este número, a igualdade se verifica. Así, o número
6 é solución da ecuación x+5=11 xa que ao substituír
x por 6 obtense a igualdade 6+5=11.