Probabilidade
dun suceso
A
probabilidade dun suceso, S, indica o grao de posibilidade de que
ocorra o devandito suceso. Exprésase mediante un número
comprendido entre 0 e 1, e escribímolo P(S).
Se P(S) está próximo a 0 o suceso é pouco probable
e será máis probable canto máis se aproxime
a 1, que é a probabilidade do suceso seguro, P(E)=1.
Cando se repite un experimento aleatorio moitas veces, a frecuencia
relativa con que aparece un suceso tende a estabilizarse
cara a un valor fixo, a medida que aumenta o número de probas
realizadas.
Este resultado, coñecido como lei dos grandes números,
lévanos a definir a probabilidade dun suceso como o número
cara ao que tende a frecuencia relativa ao repetir o experimento
moitas veces.
|
|