Foi en Norteamérica, nos anos 20, onde xurdiron os pioneiros da aplicación de métodos estatísticos á mellora dos procesos de produción. Este tipo de métodos, foron utilizados pola industria norteamericana durante a Segunda Guerra Mundial, pero tras ela, as empresas deixaron de utilizalos, en boa medida, porque naqueles momentos, se podía fabricar nos Estados Unidos calquera cousa e vendela sen problemas nos mercados mundiais. Pola contra, Xapón rematou a guerra cunha industria arruinada. Os xaponeses abrazaron deseguida, non só os métodos estatísticos aplicados á fabricación, senón tamén, a filosofía de xestión que levaban consigo. Pronto Xapón, conseguía abrirse mercados, con artigos de gran calidade. Na actualidade, ningunha empresa que se prece pode desprezar este tipo de métodos, que permiten a mellora dos procesos de produción e da calidade do produto final. Pero, que é exactamente calidade? Con respecto á mellora da calidade, existe un lema "reducir a variabilidade do proceso". Conseguilo é custoso e complicado, dado que eliminar as variacións naturais dun proceso, resulta bastante difícil. A calidade dos servizos ou dos artigos que compramos depende non só de que as súas características principais teñan unha boa media, senón sobre todo da súa homoxeneidade. A ninguén lle gusta que se compra un paquete de 1 Kg dun produto, este poida pesar 950 gr. Da mesma forma, non nos di nada que o tempo medio en que unha compañía de mensaxeiros entrega un paquete nunha cidade sexa de 40 minutos, se o noso nos chega ao cabo de 4 horas. Algunhas oficinas bancarias, suprimiron as colas múltiples diante das xanelas, por unha soa cola que abastece a todas as xanelas. Acaso o fixeron por que resulte menor o tempo medio de espera dos clientes?. Non, o tempo medio non varía, pero desta forma, trátase de eliminar a variabilidade nos tempos de espera (no primeiro sistema se damos cunha cola lenta podemos pasar moito tempo nela). A homoxeneidade dos resultados é, en termos económicos, da máxima importancia e normalmente a clave para a calidade e o éxito.Extracto da páxina http://www.isftic.mepsyd.es/w3/eos/MaterialesEducativos/mem2001/estadistica/index2.htm |