- Clasificar
os números reais en racionais e irracionais.
- Aproximar
números con decimais ata unha orde dada.
- Calcular
a cota de erro dunha aproximación.
- Representar
na recta números reais.
- Expresar
e representar intervalos de números reais.
- Utilizar
a calculadora para facilitar os cálculos.
Investiga
Seguramente terás
realizado algunha vez algún cálculo co número
pi; por exemplo, calcular a lonxitude dalgunha circunferencia
ou a área dun círculo.
Nestes cálculos utilizarías valores como 3'14,
3'1416, 3'141592,... Tamén é posible que leras
nalgún xornal que se descubriu outra cifra do número
pi, ou que xa se coñecen con exactitude tantas cifras
do número pi. Todo o anterior resulta un pouco confuso.
Cal das cantidades anteriores é o auténtico
número pi? Como é posible que chamemos pi
a todas elas se é obvio que son diferentes? Como
é posible que se estean a descubrir aínda
cifras de pi se o estamos a usar dende hai una chea de anos?
Intenta
dar unha resposta a estas preguntas. Se non o consegues
agora volve intentalo despois de ver este tema en profundidade.
Para finalizar a proposta aí vai outra pregunta:
Cal é ou cal podería ser a última cifra
do número pi?
|
|
