2. Probabilidade dun suceso   A Regra de Laplace A probabilidade dun suceso A dun experimento aleatorio é un número entre 0 e 1, que mide a facilidade de que o suceso ocorra. Canto máis se achega a 1 máis posibilidades existen de que ocorra. Cando un experimento aleatorio é regular, é dicir, que todos os sucesos elementais tenen a mesma probabilidade de ocorrer (sucesos equiprobables), para calcular a probabilidade dun suceso calquera A, abonda con calcular o cociente entre o número de sucesos elementais que componen A (casos favorables) e o número de sucesos elementais do espazo da mostra (casos posibles). Este resultado conécese como Regra de Laplace. Preme sobre o botón para facer un exercicio.