| Representación
gráfica
Como xa tes visto, as funcións lineais represéntanse
graficamente como liñas rectas. Ademais,
como y=mx, se x=0 entón y=0; polo tanto a gráfica
de todas as funcións lineais pasa polo punto (0,0).
Para representar a gráfica abonda con obter as
coordenadas doutro punto, dando un valor arbitrario a x, e
unir ese punto co punto (0,0).
Se x=1, entón y=m, así que m representa
a variación de y por cada unidade que varíe x, é
dicir, a inclinación ou pendente da recta. Se m
é positiva, representa a cantidade que sobe y por cada
unidade de x e, se é negativa, m será a cantidade
que baixa y por cada unidade de x.
|
|
